“Roma” hujumchisi Paulo Dibala jurnalist Ekrem Konur ma’lumotiga ko‘ra, o‘z vatani Argentinaga qaytish va “Boka Xuniors” safida faoliyatini davom ettirishni juda xohlamoqda.

Manbaning ta’kidlashicha, hozirgi vaqtda Dibalaning “Roma” bilan shartnomani uzaytirishi katta shubha ostida, chunki uning maoshi klub uchun juda yuqori hisoblanadi.

Futbolchining “Roma” bilan amaldagi shartnomasi joriy yil yozida nihoyasiga yetadi, shu bois u Argentinaga qaytish imkoniyatini jiddiy ko‘rib chiqmoqda va “Boka Xuniors”ga o‘tish niyatida.

Dibala 2022 yildan beri “Roma” safida harakat qilib kelmoqda. Joriy mavsumda u barcha musobaqalarda 9 ta o‘yinda maydonga tushib, 2 ta gol urdi va 1 ta golli uzatma berdi.

Transfermarkt ma’lumotlariga ko‘ra, 31 yoshli hujumchining bozor qiymati 8 million yevroni tashkil etadi.