“Ливерпуль” марказий ҳимоячиси Виржил ван Дейк Премьер-лиганинг 11-турида “Манчестер Сити”га қарши 0:3 ҳисобидаги мағлубиятдан сўнг ўз фикрларини билдирди, деб хабар берди ESPN нашри.
“Ҳозирча турнир жадвалига қарашнинг ҳеч қандай маъноси йўқ. Бундай мағлубиятлардан сўнг унга қарашдан фойда йўқ. Мен анчадан бери ўйнайман ва яхши биламан — мавсум ноябрда тугамайди. Ҳаммаси баҳорда қизийди. Биз юқори поғона учун курашамиз, лекин бунга етиб бориш учун узоқ йўл босиш керак,” — деди нидерландиялик ҳимоячи.
Арне Слот шогирдлари 18 очко билан АПЛ жадвалида бешинчи ўринни эгаллаб туришибди. “Ливерпуль” етакчи “Арсенал”дан 8 очкога орқада.
