"Ливерпуль" клуби ва Франция терма жамоаси ҳимоячиси Ибрахима Конате ёзги трансфер ойнасида мерсисайдликлар сафига кўчиб ўтган ҳамюрти Уго Экитикени қандай руҳлантиргани ҳақида гапирди. Англиянинг амалдаги чемпионлари 2025 йилнинг ёзида "Айнтрахт"га 95 млн евро тўлаган.
"Машғулотлардан биридан сўнг спорт залига боришимиз керак эди ва тўғрисини айтсам, қанчалик шиддат билан машқ қилаётган бўлсак, бу жуда оғир. У чарчаган эди. Мен унинг олдига бордим ва: "Қани, спорт залига борайлик," дедим. У эса менга: "Мен нокаутдаман, мен мурдаман", деб жавоб берди. Мен унга қарадим ва икки сония жим қолдим.
Ва мен ундан сўрадим: "Франция терма жамоасига киришни хоҳлайсанми ёки йўқми?" Бир дақиқадан сўнг у спорт залига етиб келди. Воқеа бироз кулгили эди, лекин кейин у бу қандай ишлашини тезда тушунди", деди Конате.
