"Барселона" қанот ҳужумчиси Ламин Ямалнинг ҳолатига мустақил баҳо бериш учун чов жароҳатларини даволашга ихтисослашган бельгиялик таниқли шифокорга мурожаат қилди. Mundo Deportivo нашрининг ёзишича, клуб "кўк-анорранглилар"нинг 18 ёшли юлдузи тўғри даволанаётганига ишонч ҳосил қилмоқчи бўлган.

Аввалроқ Ямал пубалгия - чов соҳаси сурункали шикастланишидан азият чекаётгани хабар қилинганди.

Спортчиларда пулбалгияни даволаш бўйича уч мингдан ортиқ ҳолатни қайд этган шифокор Ямалнинг аҳволини таҳлил қилиб, ҳаммаси ижобий ривожланаётгани ҳақида хулосага келди. У "Барселона" тиббий штаби томонидан белгиланган курс, жумладан, жисмоний тайёргарлик ва физиотерапия тўғри эканлигини тасдиқлади. Мутахассиснинг баҳолашича, жароҳат эрта босқичда аниқланган, бу эса асоратларнинг олдини олиш имконини беради.