"Фулхэм" бош мураббийи Марку Силва клуб билан шартномасини ҳалигача узайтиргани йўқ. Бу ҳақда журналист Бен Жейкобс ижтимоий тармоқларда маълум қилди.
Манбага кўра, Лондон клуби бундай ҳолатдан хавотирда, мутахассис билан шартномани узайтириш лондонликларнинг устувор вазифаларидан бири, аммо португалияликнинг ўзи бунга шошилмаяпти. Мураббийнинг жамоа билан амалдаги келишуви 2026 йилнинг ёзига қадар мўлжалланган.
Айни дамда "Фулхэм" 11 очко билан Англия Премьер-лигаси турнир жадвалида 15-ўринда бормоқда, жамоани хавфли зонадан атиги 1 очко ажратиб турибди. Жорий мавсумда ўтказилган 11 та ўйинда улар 3 та ғалаба, 2 та дуранг ва 6 та мағлубият қайд этди.
