"Fulxem" bosh murabbiyi Marku Silva klub bilan shartnomasini haligacha uzaytirgani yo‘q. Bu haqda jurnalist Ben Jeykobs ijtimoiy tarmoqlarda ma’lum qildi.
Manbaga ko‘ra, London klubi bunday holatdan xavotirda, mutaxassis bilan shartnomani uzaytirish londonliklarning ustuvor vazifalaridan biri, ammo portugaliyalikning o‘zi bunga shoshilmayapti. Murabbiyning jamoa bilan amaldagi kelishuvi 2026 yilning yoziga qadar mo‘ljallangan.
Ayni damda "Fulxem" 11 ochko bilan Angliya Premyer-ligasi turnir jadvalida 15-o‘rinda bormoqda, jamoani xavfli zonadan atigi 1 ochko ajratib turibdi. Joriy mavsumda o‘tkazilgan 11 ta o‘yinda ular 3 ta g‘alaba, 2 ta durang va 6 ta mag‘lubiyat qayd etdi.
