Бразилия терма жамоаси устози Карло Анчелотти "Реал" ҳужумчиси Эндрик 2026 йилги жаҳон чемпионатида иштирок этиш имкониятини ошириш учун қандай қадамлар қўйиши кераклигини айтди.
"Биз у билан мавсум бошида, жароҳатидан тикланаётганида гаплашган эдик. Ҳозир у ўйнашга тайёр ва у атрофидагилар билан биргаликда ривожланишнинг қайси варианти унга мақбул эканлигини аниқлаши керак. Эндрик жуда истеъдодли ва ҳали ёш, унинг олдинда бир нечта жаҳон чемпионати бор. Аммо энг яқинида иштирок этиш учун у мунтазам ўйнаши ва ўз даражасини кўрсатиши керак," - дея Анчелоттининг сўзларини келтиради Placar.
19 ёшли форвард жорий мавсум "Реал" сафида атиги 1 та ўйинда майдонга тушди ва 11 дақиқа ҳаракат қилди.
