Юлдуз ҳужумчи Лионель Месси "ПСЖ"даги фаолияти ҳақида гапирди. Аргентиналик футболчи 2021-2023 йилларда Париж клуби шарафини ҳимоя қилган.
- Сиз Барселонада бахтли эдик, деб кўп гапиргансиз. Парижда эса унчалик эмас...
- Ҳа, назаримда, Парижда ҳамма нарса расво бўлганга ўхшайди, лекин аслида ундай эмас. Қийналдим деганимда - футболда, машғулотларда, ўйинларда ўзимни қулай ҳис қилмаганимни назарда тутгандим. Аммо оила сифатида вақтимизни ажойиб ўтказдик - шаҳар чиройли эди, биз ундан завқланардик", - деди Месси Sport.es’га.
Месси "ПСЖ" сафида жами 75 та ўйин ўтказиб, 32 та гол ва 35 та голли узатмани ўз ҳисобига ёздириб қўйган.
