Испания Қироллик футбол федерацияси президенти Рафаэль Лусан Ламин Ямалнинг жароҳати билан боғлиқ вазиятга изоҳ берди.
Аввалроқ, "Барселона"нинг 18 ёшли вингери Испания терма жамоасининг ноябрь ойида Грузия ва Туркияга қарши ўйинларида майдонга тушмаслиги маълум бўлганди. RFEF Ямалнинг чов соҳасидаги ноқулайликни даволаш учун огоҳлантиришсиз муолажадан ўтганидан ҳайратда қолди.
"Биз футболчига ғамхўрлик қилишимиз керак. Баъзида энг яхши йўл билан ҳал қилиш мумкин бўлган вазиятлар юзага келади, лекин у иккала жамоа учун ҳам муҳим. Биз унга ғамхўрлик қилишимиз ва тезда тузалиб кетишига умид қилишимиз керак.
Бу кутилмаган ҳолатлар ва биз ҳаракат қилишимиз керак. Биз ҳеч қандай тортишувни қўзғатмоқчи эмасмиз. Унинг клуб ва терма жамоа билан бирга бўлиши муҳим", - деди Лусан.
