Мадриднинг "Атлетико" клуби ҳужумчиси Хулиан Альварес Англияга қайтиши мумкин.
Аргентиналик футболчини Лондоннинг "Челси" клуби кузатиб бормоқда, дея таъкидламоқда журналист Грем Бейли. Ҳужумчи ҳозирча келажагига ишончи комил эмас ва матбуотда унинг бошқа клубга ўтиши мумкинлиги ҳақида мунтазам равишда миш-мишлар тарқалмоқда.
Альвареснинг Transfermarkt сайтидаги нархи - 100 млн евро. 25 ёшли футболчига "Барселона" асосий даъвогар бўлиб турибди, шунингдек, "ПСЖ" ҳам қизиқиш билдирмоқда. Жаҳон чемпионининг "матрасчилар" билан амалдаги меҳнат шартномаси 2030 йилга қадар мўлжалланган.
Эслатиб ўтамиз, Альварес Испанияга кўчиб ўтишидан олдин Англияда "Манчестер Сити" шарафини ҳимоя қилган.
