Бугун, 12 ноябр куни, айни пайтда вилоят ҳокимлигида Халқ депутатлари Самарқанд вилояти Кенгашининг еттинчи чақириқ, йигирманчи сессияси бўлиб ўтмоқда.
Унда Самарқанд вилояти ҳокими вазифасини бажарувчи Адиз Бобоевнинг жорий йилда Самарқанд вилоятини комплекс ижтимоий-иқтисодий ривожлантириш юзасидан амалга оширилаётган ишлар тўғрисидаги ҳисоботи эшитилмоқда.
Сессияда вилоят ҳокими, вилоят футбол ассоциацияси президенти Адиз Бобоев Самарқанд вилоятида бу йил турли соҳаларда эришилган ютуқлар сарҳисобини келтириб, «Динамо» ПФК жамоаси 2025 йилда яхши натижалар қайд этиб, Самарқанд аҳлини хурсанд қилаётганини алоҳида эътироф этди.
«Динамо» ПФК 2025 йилги мавсумнинг қолган муҳим ўйинларида ҳам мухлисларни хурсанд қилиб, ўз тарихини янгилаб қарийб 4,5 миллион аҳолига эга Самарқанд вилояти шарафини муносиб ҳимоя қилишни мақсад қилган.
