Ўзбекистон ўсмирлар терма жамоаси бош мураббийи Исломбек Исмоилов ёш футболчиларимизнинг легионер бўлиш эҳтимоли ҳақида ўз фикрларини билдирди.
— Футболчиларни скаутлар кузатмоқда, айниқса Ҳакимов, Эримбетов ва Содиқовларни. Шу ҳақда нима дейсиз? Ва уларнинг легионерга айланиш эҳтимоли қай даражада?
— Албатта, бу табиий ҳолат уларни кузатиш жуда қувонарли. Умид қиламизки, бу фақат кузатиш билан чекланиб қолмайди. Агар европа клублари футболчиларимизни жалб қилишса, бу ўзбек футболи учун катта ютуқ бўлади. Мен мураббий сифатида бундан фақат хурсандман", - дея Исмоилов сўзларини келтирган Uzbekistan Legionaries.
Ёш футболчиларимиз ЖЧ 1/16 финалида Хорватияга қарши ўйин ўтказади. Баҳс 15 ноябрь куни 20:30 да старт олади.
