Хорватиялик мутахассис Иван Юрич А Серияда ишлаган ва рекорд даражада қисқа вақт ичида 3 та клубни алмаштирган мураббийлар қаторидан жой олди. Бу ҳақда "Transfermarkt" статистик портали томонидан эълон қилинган маълумотда келтирилган.

Ушбу рейтингда биринчи ўринни 152 кун ичида "Пьяченца", Лиссабоннинг "Спортинг" ва "Венеция" клубларини бошқаришга улгурган мураббий Жузеппе Матерацци эгаллаб турибди. Иккинчи ўрин эса Иван Юричга насиб этди ("Торино", "Рома" ва "Саутгемптон" - 281 кун). Кучли учликни Луиджи Дельнери ("Кьево", "Порту" ва "Рома" - 283 кун) якунлаб берган.

Шунингдек, топ-10 ликдан 365 кун ичида 3та клубини алмаштирган Клаудио Раньери, яқинда "Аталанта"дан истеъфога чиқарилиши натижасида худди шундай кўрсаткич қайд этган Иван Юрич, Франк де Бур, Жулио Корсини, Фотиҳ Терим, Игор Тудор ва Карло Маццоне ўрин олган.