Италиянинг "Милан" клуби собиқ футболчиси Массимо Амброзини ушбу клубнинг Италия чемпионатидаги навбатдаги ўйини ҳақида фикр билдирди. Миллий жамоалар ўйинлари учун танаффусдан сўнг "Милан" ашаддий душмани ва А Серия турнир жадвали пешқадами "Интер"га қарши майдонга тушади.
"Бу муҳим ўйин бўлади, аммо мавсумнинг бу босқичида ҳал қилувчи ўйин бўлмайди. Ҳа, "Милан" аллақачон "Интер" билан тенглаша олишини кўрсатди," - дея Амброзини сўзларини келтиради pianetamila.it.
Эслатиб ўтамиз, "Милан" ва "Интер" ўртасидаги баҳс 23 ноябрь куни бўлиб ўтади. Айни пайтда "Милан" турнир жадвалида учинчи ўринда бораётган бўлса, "Интер" пешқадамлик қилмоқда.
