Журналист Альберто Перейронинг маълумот беришича, Мадриднинг “Реал” клуби ярим ҳимоячи Орельен Тчуамени билан шартномани узайтиришга қаратилган дастлабки музокараларни бошлаб юборган.
Ҳозирги кунда француз футболчисининг “қаймоқранглилар” билан амалдаги шартномаси 2028 йилгача мўлжалланган, аммо клуб уни узайтириш орқали ўйинчига бўлган ишончини яна бир бор тасдиқламоқчи.
“Реал” раҳбарияти Тчуаменини жамоанинг келажакдаги марказий фигураларидан бири сифатида кўради ва уни узоқ муддатли лойиҳа доирасида сақлаб қолишни режалаштирмоқда.
Франция терма жамоаси ярим ҳимоячиси Мадрид клубига 2022 йилда “Монако”дан қўшилган.
