"Барселона" ҳужумчиси Роберт Левандовскининг агенти Пини Захави ОАВда тарқалган, футболчи фаолиятини якунламоқчи экани ҳақидаги хабарларга изоҳ берди.

“Левандовски фаолиятини якунлашни кўриб чиқаётгани ҳақидаги маълумотлар ҳақиқатга тўғри келмайди.

У ҳали ҳам юқори даражадаги ҳужумчи ва жисмоний жиҳатдан яхши ҳолатда. Ҳозирча "Барселона" билан шартномани узайтириш ёки келажагига оид ҳеч қандай қарор қабул қилинмаган,” — деди агент.

Манбаларга кўра, "кўк-анорранглилар" ҳозирча 37 ёшли форварднинг шартномаси бўйича музокараларни бошламаган, аммо футболчи ўзини жамоанинг муҳим қисми деб ҳис қилмоқда ва фаолиятни якунлаш ҳақида ўйлаётгани йўқ.