“Манчестер Юнайтед” ярим ҳимоячиси Каземиронинг амалдаги шартномаси жорий мавсум охиригача мўлжалланган. Бразилиялик футболчининг меҳнат келишувида бир йилга узайтириш имконияти мавжуд бўлиб, у ҳолда маош ўзгармасдан қолади.
Бироқ клуб раҳбарияти Каземирони сақлаб қолишни хоҳлар экан, унинг иш ҳақини қисқартириш ниятида.
Журналист Фред Калдейра бразилиялик TNT Sports телеканалига берган интервьюсида шундай деди:
“Каземиронинг маоши жуда катта. "Манчестер Юнайтед" уни камайтиришни хоҳлаяпти, аммо менимча, Каземиро буга рози бўлмайди. Нима бўлишини кутамиз.”
Матбуот маълумотларига кўра, 33 ёшли футболчи ҳафтасига тахминан 390 минг евро маош олади.
Ҳозирги вақтда “қизил иблислар” Премьер-лига жадвалида еттинчи ўринни эгаллаб турибди. Каземиронинг келажаги ҳақидаги қарор мавсум якунларида қабул қилиниши кутилмоқда.
