Мадриднинг «Атлетико» клуби ҳужумчиси Хулиан Альварес Чемпионлар лигасида 30 та ўйинда 17 та гол уриб, янги рекорд ўрнатди. Бу ҳақда мусобақанинг расмий X (Twitter) саҳифасида маълум қилинди.

Илгари 30 та ўйинда энг кўп гол урган футболчи Лионель Месси ҳисобланарди — у «Барселона» ва «ПСЖ» сафида 16 та голга муаллиф бўлган. Рўйхатнинг биринчи учлигига Серхио Агуэро кирган — у «Атлетико» ва «Манчестер Сити» жамоаларида 14 та гол урган. Шунингдек, Эрнан Креспо («Лацио», «Интер», «Милан», «Челси» ва бошқалар) ҳамда Лисандро Лопес («Порту», «Лион») ҳисобида 13 тадан гол мавжуд.

Ҳозирги вақтда Transfermarkt портали Хулиан Альвареснинг бозор қийматини 100 миллион евро деб баҳоламоқда.