Туркия футбол федерацияси (TFF) футболчилар ва ҳакамлар ўйинларга пул тиккан-тикмаганини аниқлаш учун интизомий тергов бошлади. Бу ҳақда TFF матбуот хизмати хабар бермоқда.
"Туркия футбол федерацияси футбол бўйича интизомий кўрсатма қўлланиладиган шахслар футболга пул тиккан-тикмаганини аниқлаш учун интизомий тергов бошлади. Аввало шуни таъкидлаш керакки, интизомий терговга тортиладиган маълумотлар Sport Toto ташкилоти президиумига қилган мурожаатимиз натижасида бизга тақдим этилган расмий ёзувлар асосида тўпланади," - дейилади федерация баёнотида.
Аввалроқ ОАВда ноқонуний гаровлар бўйича тергов доирасида 1 024 нафар футболчи, жумладан, "Галатасарой", "Бешиктош", "Трабзонспор" каби 27 та Суперлига клуби футболчилари ўйинларга гаров қўйгани ҳақида маълумот пайдо бўлган эди.
Эслатиб ўтамиз, аввалроқ TFF 149 нафар профессионал ҳакамда букмекерлик конторалари ўйинларига тикиш учун ҳисоблар аниқлангани сабабли уларни 8 ойдан 1 йилгача бўлган муддатга ўйинлардан четлатгани ҳақида хабар берилганди. Қайд этилишича, айбланувчилар банк ҳисобини декларация қилмасдан, рўйхатдан ўтишда бериладиган совға баллари ёрдамида гаров ўйнашлари мумкин бўлган.
