"Манчестер Юнайтед" бош мураббийи Рубен Аморим ҳозирда "Бенфика"га устозлик қилаётган Жозе Моуриньо ҳақида жуда илиқ фикрлар билдирди.

"Турли мураббийлардан кўп нарса ўрганганман, аммо Моуриньо мен учун доим намуна бўлиб келган. У нафақат португалияликлар, балки бутун дунё учун ибрат. Айниқса, фаолиятининг бошида доимо ғалаба қозониб келган.

У ҳар доим ўзининг муомаласи билан ажралиб турарди. Бу Англиядаги инсонларга жуда ёқарди. "Бенфика"да ишлаганида у билан мулоқотда бўлганмиз. Қизиғи, иккимиз ҳам доимий равишда мамлакат ва клубларни ўзгартириб турибмиз.

У мен учун ҳақиқий намуна. Баъзида хабарлашиб турамиз", - деди 41 ёшли португалиялик мутахассис.