Марказий ҳимоячилар Стефан де Врей ва Франческо Ачерби "Интер"даги сўнгги мавсумни ўтказмоқда.
33 ёшли нидерландиялик ва 37 ёшли италиялик футболчи келаси йилнинг ёзида "нерадзуррилар" сафини тарк этади, дея хабар бермоқда La Gazzetta dello Sport нашри ва клуб раҳбарияти уларга ўринбосар изламоқда.
Асосий номзодлардан бири - Бельгиянинг "Брюгге" клубида тўп тепаётган эквадорлик Хоэл Ордонес. Ҳозирча айнан ким имзолаши номаълум, аммо Милан грандининг босслари мудофаа марказини мустаҳкамлашга сармоя киритишга қатъий қарор қилишган.
"Интер" А Серия 11-туридан кейин 24 очко билан мусобақа жадвалида пешқадамлик қилмоқда. 23 ноябрь куни Кристиан Кивунинг жамоаси "Милан"га қарши майдонга тушади.
