"Манчестер Юнайтед" ҳужумчиси Жошуа Зиркзее жамоадаги ҳолатидан норози.
Нидерландиялик футболчи жаҳон чемпионати олдидан мунтазам майдонга тушишни истамоқда, бироқ Рубен Аморим бунга умид қилмаяпти. Журналист Маттео Мореттонинг маълум қилишича, 24 ёшли футболчи январь ойида ижарага қўйиб юборилиши мумкин.
Муаммо шундаки, Зиркзеега асосий даъвогар бўлган "Рома" унинг маошини тўлай олмаса керак. Битим амалга ошиши учун кимдир ён беришга мажбур бўлади.
Жошуа Зиркзее жорий мавсумда 5 марта захирадан майдонга тушди ва шу пайтгача бошланғич таркибда майдонга тушмади.













