Мадриднинг "Реал" клуби раҳбарияти ҳужумчи Эндрикнинг "Лион"га ўтишини маъқуллади.
Ҳужумчининг фаолиятини Францияда давом эттириши ҳақидаги маълумотлар ОАВда анчадан бери пайдо бўлганди. Аввалроқ, 19 ёшли футболчи учун курашга "Манчестер Юнайтед" ҳам қўшилгани, аммо "Реал"нинг "Лион" билан музокаралари якуний босқичда экани ҳақида хабарлар тарқалган эди.
Globo хабарига кўра, футболчи "Лион" сафида ижара асосида тўп суради, шундан сўнг мадридликлар уни ортга қайтаришни режалаштирмоқда.
2025/2026 йилги мавсумда Эндрик Ла Лигада битта ўйинда майдонга тушиб, самарали ҳаракат қилмади.
