"Ан-Наср" ҳужумчиси Криштиану Роналду Португалия терма жамоасидаги даражаси ҳақидаги саволга жавоб берди.

40 ёшли форвард ўзини терма жамоанинг асосий таркибидаги "дахлсиз" футболчи деб ҳисобламаслигини тан олди.

"Ҳеч кимнинг таркибда ўрни кафолатланмаган. Ҳаммаси ҳозирги даражага боғлиқ. Асосий таркибга кирганимда ишончни оқлашга ҳаракат қиламан, шунингдек, майдон ташқарисида ҳам жамоага ёрдам беришга интиламан.

Рақамлар ўз-ўзидан гапиради. Мен жуда мамнунман, Роберто Мартинес билан яхши муносабатдаман. Шу зайлда давом этмоқчиман. Саралаш босқичини муваффақиятли якунлашимиз керак ва биз оптимистик кайфиятдамиз," - дея Роналдунинг сўзларини келтиради Al Nassr Zone.

Бугун Португалия терма жамоаси Ирландия терма жамоасига қарши майдонга тушади.