Хави Испанияда бўлиб ўтган етакчилик мавзусидаги конференцияда иштирок этди ва тингловчилар билан очиқчасига суҳбатлашди. Хусусан, "Барселона"даги натижалар пасайиши мавзусини таҳлил қилди. Мутахассис биринчи чемпионлик мавсуми ва унвонсиз иккинчи мавсумни таққослади.
"Фаолиятимни футболчилардан ҳам, клубдан ҳам жуда катта умидлар билан бошладим. Ўйлашимча, менинг хатом шундаки, мен бу юқори стандартларни бор-йўғи бир йил ушлаб турдим. Ла Лига ва Суперкубокдаги ғалабадан кейин жамоа ўзгарди.
Шундан кейингина тушуниб етдим ва ўзимни танқид қилишга вақт топа олдим. Юқори стандартларни пасайтирдим, футболчиларда аввалгидек муносабат, ҳурмат ва фидойилик йўқ эди. Бизнинг стандартларимиз тезда пасайиб кетди. Ҳаммаси шу даражага етдики, биз ҳеч нарса ютмадик," - деди Хави.
Мураббий 2024 йилда "Басрелона"ни тарк этди. Ўшандан бери мутахассис ишсиз.
