Хабарларга кўра, “Барселона” жорий қишки трансфер ойнасида “Ливерпуль” ярим ҳимоячиси Райан Гравенберхни сотиб олиш учун 44 миллион фунтлик таклиф беришга тайёр.

Каталонияликлар бундай миқдор расмий музокараларни бошлаш учун етарли бўлади, деб ҳисобламоқда.

Бош мураббий Ханси Флик жамоага мудофаа мувозанатини таъминлай оладиган ва олдинга аниқ паслар бериб ўйинни қуришда иштирок этадиган таянч ярим ҳимоячи қўшилишини истамоқда.

Манбаларга кўра, 23 ёшли нидерландиялик хавбек ана шу икки фазилатни бирлаштираётган футболчи сифатида “кўк-анорранглилар”нинг асосий трансфер номзодига айланган.

Райан ҳозирда Transfermarkt томонидан 90 миллион еврога баҳоланган. У жорий мавсумда жами 12 та ўйинда 3 та гол уриб, 2 та ассист берди.