"Ливерпуль" собиқ футболчиси Жейми Каррагер жамоанинг ҳозирги юлдузи Муҳаммад Салоҳ ўйинини танқид қилди.
"Салоҳ ҳозир гол ҳам урмаяпти ва ҳимояда ҳам ёрдам бермаяпти.
Демак, у ёки ортга қайтиши керак [ҳимояга], ёки сиз унинг ўрнига бошқа футболчини ўйнатишингиз керак.
Шунинг учун мен бир неча ҳафта олдин Салоҳнинг ҳар бир ўйинда, айниқса, сафардаги ўйинларда асосий таркибда майдонга туширишни тўхтатиш кераклигини айтгандим", - деди Каррагер.
Мисрлик юлдуз АПЛ жорий мавсумида 11 ўйинда атиги 4 та гол урди.
