Испаниянинг "Барселона" клуби "Бавария" форварди Харри Кейнни Роберт Левандовскининг ўринбосари сифатида кўрмоқда. Бу ҳақда журналист Экрем Конур хабар бермоқда.
Манбага кўра, 32 ёшли ҳужумчининг хизматларига "Челси", "Манчестер Юнайтед" ва Саудия Арабистони клублари ҳам қизиқиш билдирмоқда, шунинг учун "Барселона"га инглизни қўлга киритиш осон бўлмайди. Шунингдек, Кейннинг ўзи фаолиятини "Бавария"да давом эттирмоқчи экани ҳам таъкидланмоқда.
Жорий мавсумда Кейн барча турнирлар ҳисобида 17 та ўйинда майдонга тушиб, 23 та гол урди ва 3 та голли узатмани ўз ҳисобига ёздириб қўйди.
