Бельгиянинг "Брюгге" клуби марказий ҳимоячиси Жоэль Ордоньес фаолиятини Италия грандида давом эттириши мумкин.
Хабарларга кўра, "Интер" 21 ёшли колумбиялик футболчини келаси ёзда сотиб олиниши мумкин бўлган футболчилар шорт-листига киритган. Ордоньес "нерадзуррилар" сафида Стефан де Врей ва Франческо Ачербининг ўрнини эгаллаши кутилмоқда.
Ҳозирда футболчи Transfermarkt порталида 28 миллион еврога баҳоланмоқда. Унинг клуби билан шартномаси 2029 йил ёзигача мўлжалланган.













