Мадриднинг "Реал" клуби "Бавария" ҳимоячиси Дайо Упамеканонинг агентларига мурожаат қилди. Бу ҳақда журналист Жорж Пикон маълум қилди.
Манбага кўра, "қаймоқранглилар" ҳимоячи вакилларига агар у "Бавария" билан меҳнат шартномасини узайтирмаса, клуб уни ўз сафига қўшиб олишга ҳаракат қилиши ҳақида аниқ сигнал юборишган. Упамеканонинг мюнхенликлар билан шартномаси келаси ёзда ўз ниҳоясига етади.
Жорий мавсумда 27 ёшли франциялик футболчи барча мусобақаларда 15та ўйинда майдонга тушиб, 4та сариқ карточка олди. Transfermarkt портали маълумотларига кўра, футболчининг бозор нархи 60 миллион еврони ташкил этади.
