Оле-Гуннар Сульшер ҳозирда "Барселона"да ижара асосида ҳаракат қилаётган "Манчестер Юнайтед" ҳужумчиси Маркус Рэшфорд ҳақида фикр билдирди.
"Мен кетганимдан бери Маркус билан тузук-қуруқ гаплашмадим. Биз бир-икки хабар алмашдик. Унинг ҳаётида нима бўлаётганини билмайман. Менда шундай ҳиссиёт борки, у "Барселона"да завқ оляпти - сўнгги вақтларда "Юнайтед"да бундай бўлмаганди. Унга энг яхши тилакларни тилайман, чунки у формада ва бахтли бўлганида ажойиб ўйинчи", - деди "қизил иблислар" собиқ устози.
Рэшфорд жорий мавсумда 16 та ўйинда 6 та гол уриб, 9 та ассист берди.
