Италиянинг "Ювентус" клуби ва Бразилия терма жамоасида ўйнайдиган футболчи Глейсон Бремер Туринда бўлиб ўтган АТП финал учрашувига ташриф буюрди ва футбол ва теннис ўртасидаги фарқларни қандай кўриши ва теннисчиларда уни нима ҳайратга солиши ҳақида суҳбатлашди.

"Уларнинг менталитети мени энг кўп ҳайратга солади. Теннисда сиз ёлғизсиз, баҳонангиз йўқ, тўлиқ жавобгарликни ўз зиммангизга олишингиз керак. Футболда жамоадошларингиз сизга ёрдам берса ҳам, энг яхши ўйин кўрсатмаслигингиз мумкин", деди Бремер.