Швеция терма жамоасининг собиқ устози Йон Даль Томассон янги иш топишга яқин турибди. Бу ҳақда Daily Telegraph хабар бермоқда.
Томассон 14 октябрь куни аввалги иш жойидан ишдан бўшатилган. Унинг шогирдлари жаҳон чемпионати саралашини муваффақиятсиз бошлади ва 4 ўйинда 1 очко жамғарди.
Манбага кўра, ушбу мутахассис сешанба куни "Норвич" раҳбарияти билан суҳбатлашган. Клуб Чемпионшипда ўйнамоқда ва у ерда омон қолиш учун курашмоқда. Жамоа раҳбарияти Дал Томассон билан бир қаторда бошқа вариантларни ҳам кўриб чиқмоқда.
Даль Томассон аллақачон Англияда ишлаган ва 2022-2024 йилларда "Блекберн"ни бошқарган.













