"Бавария" сафида ижара асосида тўп тепаётган ҳужумчи Николас Жексон "Челси"га қайтиш ниятида эмас.
Битимда 65 миллион евро эвазига сотиб олиш опцияси мавжуд бўлиб, у автоматик равишда фаоллашиши даргумон. Шунга қарамай, футболчи мюнхенликлар барибир уни "кўклар"дан сотиб олишга қарор қилишларига умид қилмоқда, деб ёзади журналист Киран Жилл. Ҳужумчида Лондон клубига қайтиш истаги йўқ.
Айни дамда барчаси "Бавария" Жексонни сотиб олмаслигини кўрсатмоқда, шу боис футболчининг келажаги мавҳумлигича қолмоқда. Сенегаллик футболчи Венсан Компани жамоаси сафида 12 та ўйинда майдонга тушиб, 3 та гол урган ва 1 та голли узатмани амалга оширган.
