"Bavariya" safida ijara asosida to‘p tepayotgan hujumchi Nikolas Jekson "Chelsi"ga qaytish niyatida emas.
Bitimda 65 million yevro evaziga sotib olish opsiyasi mavjud bo‘lib, u avtomatik ravishda faollashishi dargumon. Shunga qaramay, futbolchi myunxenliklar baribir uni "ko‘klar"dan sotib olishga qaror qilishlariga umid qilmoqda, deb yozadi jurnalist Kiran Jill. Hujumchida London klubiga qaytish istagi yo‘q.
Ayni damda barchasi "Bavariya" Jeksonni sotib olmasligini ko‘rsatmoqda, shu bois futbolchining kelajagi mavhumligicha qolmoqda. Senegallik futbolchi Vensan Kompani jamoasi safida 12 ta o‘yinda maydonga tushib, 3 ta gol urgan va 1 ta golli uzatmani amalga oshirgan.
