"Бавария" ярим ҳимоячиси Леон Горецка 2026 йилда клубда қолиш эҳтимоли паст. Футболчининг амалдаги шартномаси мавсум якунлангач ўз ниҳоясига етади ва узайтирилмайдиган кўринади.
Журналист Флориан Плеттенбергнинг маълум қилишича, "Бавария" тажрибали хавбек билан хайрлашишни режалаштирмоқда ва ҳозирда унинг ўрнини босувчи футболчи қидирмоқда, аммо якуний қарор ҳали қабул қилинмаган.
Горецка жамоанинг энг кўп маош олувчи футболчилари қаторига киради, Мюнхен грандининг ҳамкорликни тугатиш нияти ҳам шу билан боғлиқ. Жорий мавсумда германиялик футболчи Венсан Компани жамоасининг барча мусобақалардаги 15 та ўйинида қатнашиб, самарали ҳаракат қилмади.
