Килиан Мбаппе Франция терма жамоасининг гол уриш бўйича рекордини янгилаш арафасида турибди. Пайшанба куни Мадриднинг "Реал" клуби вакили дубль қайд этди ва "учранглилар"га Украина терма жамоасини мағлуб этишга ёрдам берди (4:0). Энди 26 ёшли ҳужумчининг ҳисобида Франция терма жамоаси сафида 94 та ўйинда 55 та гол бор. Бу борадаги рекорд Оливье Жируга тегишли бўлиб, у 57 марта рақиб дарвозасини ишғол қилган.
Умуман олганда, Килиан Мбаппе клублар ва терма жамоа сафида жами 400 та гол урган.
Якшанба куни Дидье Дешам жамоаси 2026 йилги жаҳон чемпионати саралаш босқичининг сўнгги учрашувини Озарбайжон терма жамоаси билан ўтказади.
