Нико О'Райли Англия терма жамоасидаги илк ўйинини ўтказди. "Манчестер Сити"нинг 20 ёшли вакили ЖЧ-2026 саралашидан ўрин олган Сербияга қарши баҳсда чап қанот ҳимоячиси сифатида майдонга тушди ва ўйин охиригача ўйнади.
"Орзу ушалди. Терма жамоа либосини кийиш мен учун катта шараф. Ажойиб оқшом. Менинг мақсадим - жаҳон чемпионатига бориш. Мен буни орзу қиламан, лекин олдинда узоқ йўл бор. Клубда ўз кучимни исботлашда давом этишим керак. Умид қиламанки, март ойида мени яна терма жамоага чақиришади," - дея О'Райлининг сўзларини келтиради City Report.
Сербияга қарши кечган баҳсда (2:0) Букайо Сака ва Эберечи Эзенинг голлари эвазига инглизлар устун келди.
