Англия терма жамоаси бош мураббийи Томас Тухель асосий таркибда Жуд Беллингемни туширмаслик қарорига изоҳ берди.
Мадриднинг "Реал" клуби ярим ҳимоячиси Сербия билан ЖЧ-2026 саралаш учрашувини захирадан бошлади, Морган Роджерс эса асосий таркибдан жой олди. 65-дақиқада Беллингем "Астон Вилла" вакили ўрнини эгаллади.
"Бу нормал ҳолат. Морган Жуднинг энг яқин дўстларидан бири, шунинг учун у қаттиқ хафа бўлган деб ўйламайман. Улар бир позиция учун курашадилар, лекин дўст бўлиб қоладилар, бир-бирларига ҳурмат билан муносабатда бўладилар. Рожерс бошланғич таркибда бўлишга лойиқ эди, чунки у олдинги ўйинларда жуда яхши эди. Беллингем ҳали прессинг тизимимизга кўникиши керак, бошқа футболчилар эса у билан таниш," - дея Тухелнинг жавобини келтиради ВВС.
