Пайшанба оқшомида Франция терма жамоаси ЖЧ-2026 саралаши доирасида Украинани қабул қилди ва 2:0 ҳисобида ғалаба қозонди. Ярим ҳимоячи Н'Голо Канте "учранглилар"нинг асосий таркибига киритилди.
Сўнгги бор Канте бир йил олдин Франция терма жамоасига чақирилганди. 2024 йил 14 ноябрда Н'Голо Исроилга қарши Миллатлар Лигаси ўйинида 90 дақиқа майдонда ўйнади ва сардорлик боғичи билан ҳаракат қилди.
2025 йилда Канте Франция терма жамоасига чақирилмади. Хавбекнинг терма жамоага қайтишини Дидье Дешам футболчининг ҳамон яхши спорт формасида экани билан изоҳлади.
Клублар миқёсида 34 ёшли Канте "Ал-Иттиҳод" шарафини ҳимоя қилади.













