Мадриднинг "Реал" клуби ҳужумчиси Килиан Мбаппе жамоадаги вазият ҳақида гапирди.
"Райо Вальекано" (0:0) билан ўйиндаги муваффақиятсизликдан сўнг, ОАВда "қаймоқранглилар" футболчилари мураббий Хаби Алонсодан норози экани ҳақида миш-мишлар тарқалди.
"Алонсонинг жамоа билан муносабатлари? Мендан нима эшитмоқчисиз? Матбуотда доим "Реал" ғалаба қозонмаганда шов-шув кўтарилади. Сўнгги икки ўйинда ғалаба қозона олмадик, жуда ёмон кўриндик ва буни ўзимиз ҳам тушунамиз. Энди халқаро паузадан сўнг "Эльче"ни мағлуб этишга бел боғлаганмиз.
Вазиятни идеал деб бўлмайди, аммо биз Ла Лигада етакчилик қиляпмиз ва Чемпионлар Лигасида саккизликдан жой олганмиз. Жамоа барча совринларни ютишга бел боғлаган," - деди Мбаппе Tiempo de Juego нашрига берган интервьюсида.
"Реал"нинг "Эльче" билан учрашуви 23 ноябрь куни бўлиб ўтади.
