"Барселона" клуби ва Испания терма жамоаси ярим ҳимоячиси Дани Ольмо жамоадоши Ламин Ямалнинг терма жамоа қайдномасидан четлатилганига муносабат билдирди.

Эслатиб ўтамиз, "кўк-анорранглилар" етакчиси чов соҳасида ноқулайликни ҳис қилмоқда. Чуқур текширув даволаш зарурлигини кўрсатди.

"Охир-оқибат, ҳар икки томон ҳам футболчига яхши бўлиши учун ҳамма нарсани қилишга интилади. Агар Ламин ҳозир 100% тайёр бўлмаса, унда муаммо йўқ. Ламин "Барса" учун ҳам, терма жамоа учун ҳам жуда муҳим футболчи ва у тўлиқ тайёр бўлса, бизга керак. Аммо йўқ бўлса, бунга кўникишимиз керак," - дея футболчининг сўзларини келтиради Mundo Deportivo.