Бельгиянинг "Андерлехт" клуби хавбеки Натан де Кат Германия Бундеслигаси грандига кўчиб ўтиш имкониятига эга, дея хабар бермоқда Sky Sport.
Журналистларга маълум бўлишича, 17 ёшли футболчига Мюнхеннинг "Бавария" ва Дортмунднинг "Боруссия" клублари қизиқиш билдирмоқда. Футболчининг бозор нархи етти миллион еврога баҳоланмоқда. Де Катнинг "Андерлехт" билан амалдаги шартномаси 2027 йилнинг ёзида якунига етади.
Бельгия чемпионатининг жорий мавсумида ярим ҳимоячи 14 та ўйинда иштирок этди. Натан битта гол ва битта ассистни ўз ҳисобига ёздириб қўйди.













