"Манчестер Сити" дарвозабони Жеймс Траффорд жамоадаги ҳолатидан норози.
23 ёшли футболчи июль ойида "шаҳарликлар" сафига қайтганди, бироқ Жанлуижи Доннарумма келиши биланоқ тезда асосий таркибдаги ўрнини йўқотди. Журналист Тайрон Маршаллнинг ёзишича, ёш дарвозабон мунтазам ўйнашни истайди, шу боис унинг тез орада кетиш эҳтимоли анча юқори. Ўзи учун қадрдон бўлган клубга қайтган инглиз захира ролига рози бўлишни режалаштирмаган.
Жеймс Траффорд трансфери "Манчестер Сити"га 30 млн евродан кўпроққа тушганди. Футболчининг шартномаси 2030 йилнинг ярмигача мўлжалланган.
22 ноябрь куни Хосеп Гвардиола жамоаси "Ньюкасл"га қарши баҳс олиб боради.
