"Реал" президенти Флорентино Перес истеъфога чиқишга қарор қилди, деб хабар бермоқда журналист Пепе Альварес.
78 ёшли амалдор 2026 йилда, ваколат муддати тугашидан икки йил олдин лавозимини тарк этишни режалаштирмоқда. Манбага кўра, Перес "Реал"да клуб аъзолари референдумни қўллаб-қувватлаши ёки қўллаб-қувватламаслигидан қатъи назар, ҳокимиятнинг тартибли ўтишини кўришни хоҳлайди.
Перес "Реал"ни 2009 йилдан буён бошқариб келмоқда. У бунгача 2000-2006 йилларда президент бўлган. Унинг даврида "Реал" етти марта Испания чемпиони ва Чемпионлар лигаси ғолиби бўлган, шунингдек, уч марта Кубок ва етти марта Испания Суперкубогини қўлга киритган.
"Реал" баскетбол клуби Перес даврида етти марта Испания чемпиони ва мамлакат кубоги соҳиби бўлган, уч марта Евролигада ғолиб чиққан.
