"Наполи" президенти Аурелио Де Лаурентис ФИФА ва УЕФАни терма жамоалар сафида футболчиларнинг жароҳат олгани учун танқид қилди.
"Мен Раххманини қўйиб юбордим ва у жароҳат билан қайтиб келди. Ангисса ҳам. Бундай давом этиши мумкин эмас. Агар чемпионат кетаётган бўлса, пауза бўлмаслиги керак ва бизга камроқ жамоалар ва камроқ ўйинлар керак.
Футболчилар клубларда маош олишади ва уларни терма жамоаларга юбориш ёки юбормасликни айнан клублар ҳал қилиши керак. Агар футболчи терма жамоада жароҳат олса, трансфер ойнаси очилиши ва биз товон пули олишимиз керак. Аммо ҳаммаси ФИФА ва УEФАнинг лигаларга тупуришига ўхшайди", - дея Де Лаурентиснинг сўзларини келтиради La Gazzetta dello Sport.
ФИФА тўловларни амалга оширади, лекин 7,5 миллион евродан кўп бўлмаган миқдорда ва агар ўйинчи 28 кундан ортиқ вақт ўтказиб юборган бўлса.
