Таниқли испаниялик собиқ футболчи ва мураббий Хавьер Клементе "Барселона"нинг 18 ёшли юлдузи Ламин Ямал ҳақида гапирди.
"Кўк-анорранглилар"нинг ёш вингери ҳаёт тарзи учун тобора кўпроқ танқид қилинмоқда.
"Ямал майдондан ташқарида ўзини тўғри тутмаса, футболда узоқ қололмайди. Ҳозир у ажойиб ўйнамоқда, лекин муаммо шундаки, нотўғри турмуш тарзи билан узоққа бориб бўлмайди - ҳаммаси тезда тугаши мумкин.
Ламин майдонда ақл бовар қилмайдиган нарсаларни кўрсатмоқда, аммо рақиблар уни аллақачон ўрганиб чиқишган - улар унга қандай қаршилик кўрсатишни билишади, шунинг учун тобора қийинроқ бўлиб боради", - дея Клементенинг сўзларини келтиради Cadena SER.
Ямал жорий мавсум "Барселона" сафида 11 та ўйинда 6 та гол ва голли узатмага муаллифлик қилган.
