Испанияда Флорентино Перес тез орада "Реал" президенти лавозимини тарк этиши ҳақидаги маълумотлар тезда рад этилди.
Миш-мишларга кўра, 78 ёшли испаниялик келаси йили лавозимини тарк этишга қарор қилган. Журналист Альберто Перейронинг ёзишича, бу маълумотлар ҳақиқатга тўғри келмайди ва аслида Перес "қироллик клуби" раҳбари ваколат муддати тугагунга қадар, яъни 2028 йилгача кетишни режалаштирмаяпти.
Флорентино Перес 2009 йилда иккинчи марта "Реал" президенти бўлганди.
"Қаймоқранглилар" Ла Лиганинг 12-туридан кейин турнир жадвалида "Барселона"ни 3 очкога ортда қолдириб, 1-ўринда бормоқда.
