38 ёшли Лионель Месси Аргентина терма жамоасининг барча даврлардаги энг яхши тўпурарлари рўйхатида ўз таъқибчиларини ортда қолдирмоқда.
Жума куни ҳужумчи Ангола билан ўртоқлик учрашувида гол урди ва фахрий юлдузнинг "Албиcелесте" сафида урган голлари сони 115 тага етди.
Эътиборлиси шундаки, Месси 30 ёшга тўлганидан кейин 56 та гол урди. Бу эса тўпурарлар рўйхатидаги Габриэль Батистутанинг бутун фаолияти давомида урган голларидан (55) кўп.
Месси ўз мамлакати терма жамоаси сафида жами 196 та ўйинда майдонга тушган ва 2005 йил август ойида дебют қилган.
Яқинлашиб келаётган Жаҳон чемпионати унинг учун олтинчиси бўлиши мумкин.
