"Ливерпуль"нинг швециялик ҳужумчиси Александр Исак жароҳатидан тўлиқ фориғ бўлди. Бу ҳақда Indykaila News хабар бермоқда.

Манбанинг таъкидлашича, Исак жисмоний тайёргарлик тестларидан муваффақиятли ўтган. Ҳужумчи 90 дақиқа ўйнашга тайёр. "Ливерпуль" футболчининг ниҳоят тўлақонли сафга қайтганидан хурсанд.

Жорий мавсумда 26 ёшли Исак барча мусобақаларни қўшиб ҳисоблаганда саккизта ўйинда майдонга тушиб, битта гол ва битта ассистни ўз ҳисобига ёздириб қўйди.

22 ноябрь куни Англия чемпионати 12-тури доирасида "Ливерпуль" ўз майдонида "Ноттингем Форест"ни қабул қилади.